Гемел Міхайлавіч Станкевіч
Гемел Міхайлавіч Станкевіч | |
---|---|
Дата нараджэння | 8 сакавіка 1925 |
Месца нараджэння | |
Дата смерці | 5 студзеня 1962 (36 гадоў) |
Месца смерці | |
Месца пахавання | |
Альма-матар | |
Грамадзянства | |
Прыналежнасць |
![]() |
Род войскаў | танкавыя войскі |
Гады службы | 1943—1951 |
Званне | |
Часць | 111-я танкавая брыгада |
Бітвы/войны | Вялікая Айчынная вайна |
Узнагароды і званні | |
У адстаўцы | следчы |
Гемел Міхайлавіч Станкевіч (1925—1962) — удзельнік Вялікай Айчыннай вайны, камандзір узвода 111-й танкавай брыгады (25-й танкавы корпус, 1-ы Украінскі фронт), малодшы лейтэнант. Герой Савецкага Саюза.
Біяграфія
[правіць | правіць зыходнік]Нарадзіўся 8 сакавіка 1925 года ў вёсцы Уюноўская Сяліба, цяпер Сяліба Быхаўскага раёна Магілёўскай вобласці Рэспублікі Беларусь, у сям'і селяніна. Беларус.
Скончыў 8 класаў. Жыў у горадзе Ленінградзе, працаваў на заводзе «Электрык». У першыя тыдні вайны быў эвакуіраваны на ўсход, у горад Ташкент.
У 1943 годзе быў прызваны ў Чырвоную Армію і накіраваны ў Харкаўскае танкавае вучылішча, эвакуіраванае ў горад Чырчык, пад Ташкентам. У 1944 годзе паспяхова скончыў вучобу і ў званні малодшага лейтэнанта накіраваны на фронт. Камандаваў танкавым узводам 111-й танкавай брыгады ў складзе 25-га танкавага корпуса . Удзельнічаў у баях за вызваленне Польшчы, вызначыўся ў баях за нямецкі горад Губен (цяпер Губін, Польшча).
Са сваёй брыгадай Гемел Станкевіч прайшоў з баямі да Берліна, удзельнічаў у яго штурме, у танкавым маршы Берлін—Прага. Пасля вайны працягваў службу ў арміі. Член ВКП(б)/КПСС з 1948 года.
У 1951 годзе звольніўся ў запас у званні старэйшага лейтэнанта. Жыў у Ташкенце.
У 1955 годзе скончыў Ташкенцкі юрыдычны інстытут. Працаваў следчым.
Памёр 5 студзеня 1962 года.
Подзвіг
[правіць | правіць зыходнік]24 лютага 1945 года танкавы ўзвод прарваў умацаваны ўчастак абароны ворага і першым уварваўся ў горад Губен. Падчас адбіцця адной з контратак ворага танк Г. М. Станкевіча быў падпалены фаўстпатронам . Не выходзячы з бою, экіпаж ліквідаваў няспраўнасць і застаўся ў страі. За 4 дні баёў танкісты знішчылі 3 самаходныя гарматы, 2 танкі, 4 цяжкія гарматы, 3 мінамёта і каля 180 гітлераўцаў.
Узнагароды
[правіць | правіць зыходнік]- Указам Прэзідыума Вярхоўнага Савета СССР ад 27 чэрвеня 1945 года за ўзорнае выкананне баявых заданняў камандавання на фронце барацьбы з нямецка-фашысцкімі захопнікамі і праяўленыя пры гэтым мужнасць і гераізм малодшаму лейтэнанту Станкевічу Гемелу Міхайлавічу прысвоена званне Героя Савецкага Саюза з уручэннем ордэна Леніна і медалі «Залатая Зорка» (№ 7865).
- Узнагароджаны ордэнамі Айчыннай вайны 1-й ступені, Чырвонай Зоркі, медалямі.
Памяць
[правіць | правіць зыходнік]Літаратура
[правіць | правіць зыходнік]- Станке́віч Гемел Міхайлавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 149. — 10 000 экз. — ISBN 985-11-0035-8. — ISBN 985-11-0251-2 (т. 15).
Спасылкі
[правіць | правіць зыходнік]- Гемел Міхайлавіч Станкевіч на сайце «Героі краіны»
- Станкевіч Гемел Міхайлавіч на сайце анлайн-энцыклапедыі «Беларусь у асобах і падзеях»
- Станкевіч Гемел Міхайлавіч Архівавана 2 лютага 2016..
- Спіс Герояў Савецкага Саюза з Узбекістана.
- Нарадзіліся 8 сакавіка
- Нарадзіліся ў 1925 годзе
- Нарадзіліся ў Быхаўскім раёне
- Памерлі 5 студзеня
- Памерлі ў 1962 годзе
- Памерлі ў Ташкенце
- Пахаваныя на Боткінскіх могілках
- Асобы
- Малодшыя лейтэнанты СССР
- Героі Савецкага Саюза
- Кавалеры ордэна Леніна
- Кавалеры ордэна Айчыннай вайны I ступені
- Кавалеры ордэна Чырвонай Зоркі
- Узнагароджаныя медалём «За ўзяцце Берліна»
- Узнагароджаныя медалём «За перамогу над Германіяй у Вялікай Айчыннай вайне 1941—1945 гг.»
- Танкісты Вялікай Айчыннай вайны
- Лейтэнанты СССР
- Члены КПСС
- Камандзіры ўзводаў у Вялікай Айчыннай вайне